ქრონოლოგიური ასაკი არის ინდივიდის დაბადებიდან გასული თვეების ან წლების რაოდენობა

ნორმატიული სტანდარტების საშუალებით ფსიქოლოგები ერთმანეთისგან მიჯნავენ ქრონოლოგიურ ასაკს - პიროვნების დაბადებიდან გასული თვეებისა თუ წლების რაოდენობას და განვითარების ასაკს - ინდივიდის სოციალური, კოგნიტური, ფიზიკური და ემოციური ფუნქციონირების შეფასებას. ფიზიკური და გონებრივი განვითარების ნორმები უზრუნველყოფს სტანდარტულ ბაზისს, რომლის საფუძველზეც შესაძლებელი ხდება ინდივიდებისა და ჯგუფების ურთიერთშედარება.

სამი წლის ბავშვი, რომელიც მეტყველებს როგორც საშუალო 5 წლის ბავშვი, ითვლება, რომ მეტყველების განვითარების მიხედვით ის 5 წლისაა.

თუ 11 წლის ბიჭებს შევადარებთ, რომლებიც ერთსა და იმავე კალენდარულ დღეს არიან დაბადებულები, შევნიშნავთ რომ მათი განვითარების ასაკი შესაძლოა განსხვავებული იყოს იმის მიხდევით, როგორ ფუნციონირებენ ისინი კოგნიტურ, ემოციურ, ქცევით და ფიზიკურ/მოტორულ დონეზე.

განსაკუთრებით ნიჭიერ ბავშვს შესაძლოა ჰქონდეს კოგნიტური განვითარების ასაკი უფრო მაღალი, ვიდრე ქრონოლოგიური ასაკი და, პირიქით, კოგნიტური ან ფსიქოემოციური დარღვევების მქონე ბავშვს, შესაძლოა ჰქონდეს განვითარების ასაკი უფრო დაბალი, ვიდრე ქრონოლოგიური ასაკი. არსებობს საშიშროება, რომ განვითარების ასაკის შეფასების დროს, შესაძლოა, მოხდეს გენერალიზაცია ერთი განზომილებისა სხვა დანარჩენებზე. მაგალითად, თუ ბავშვის კოგნიტური უნარები შეფასებულია, როგორ უფრო დაბალი, ვიდრე თანატოლების, ის შესაძლოა აღქმული იყოს როგორც დაბალი ემოციური, ფიზიკური და ქცევითი განვითარების მქონეც და მიანიჭონ „ჩამორჩენილის“ იარლიყი. ეს პროცესი ძალიან საზიანო გავლენას ახდენს ბავშვის განვითარებაზე.

***

გამოყენებული ლიტერატურა: 

გერიგი, ზიმბარდო (2009). ფსიქოლოგია და ცხოვრება. თსუ, თბილისი.

“Chronological Age: Definition, Lesson & Quiz.” Education Portal. Accessed August 7, 2014. 

http://education-portal.com/academy/lesson/chronological-age-definition-lesson-quiz.html