პარამეტრული კრიტერიუმი გამოიყენება ორი შერჩევის დისპერსიების შესადარებლად. ნულოვანი ჰიპოთეზა გულისხმობს, რომ ნორმალური პოპულაციის შერჩევების დისპერსიები ტოლია. კრიტერიუმის მნიშვნელობა გამოითვლება ფორმულით: $F=\frac{S_1^2}{S_2^2}$ სადაც $S_1^2$ და $S_2^2$ შესწორებული დისპერსიებია და მრიცხველში უნდა ჩავსვათ სიდიდით უფრო დიდი რიცხვი. თუ F-ის გამოთვლილი მნიშვნელობა მეტია კრიტიკულ მნიშვნელობაზე, ითვლება, რომ დისპერსიები მნიშვნელოვნად განსხვავდებიან ერთმანეთისგან. ფიშერის კრიტერიუმის კრიტიკული მნიშვნელობები მოიძებნება სპეციალურ ცხრილში მნიშვნელოვნების $\alpha$ დონის, მრიცხველის $n_1-1$ თავისუფლების ხარისხის და მნიშვნელის $n_2$-1 თავისუფლების ხარისხის მითითებით (იხ. ცხრილი F განაწილების კრიტიკული მნიშვნელობები).

მაგალითი: იზომებოდა მდგრადობა სტრესის მიმართ მასწავლებლებსა და მენეჯერებში. მასწავლებლების მონაცემების დისპერსიამ შეადგინა 6.17 ($n_1=32$), მენეჯერების კი - 4.41 ($n_2=33$). $\alpha =0.05$ დონეზე შეიძლება ჩაითვალოს თუ არა, რომ დისპერსიები მნიშვნელოვნად არ განსხვავდებიან. $F=\frac{S_1^2}{S_2^2}=1.4.$  F-ის კრიტიკული მნიშვნელობა, F(0.05;31;32)=2 ამიტომ, ნულოვან ჰიპოთეზას დისპერსიების ტოლობის შესახებ ვერ უარვყოფთ.

***

გამოყენებული ლიტერატურა:

Field, A. (2013). Discovering Statistics Using IBM SPSS Statistics. SAGE Publications Ltd.

კისი, ჰ. (2008). სტატისტიკა სოციალურ მეცნიერებებში. სოციალურ მეცნიერებათა ცენტრი.  თბილისის უნივერსიტეტის გამომცემლობა